കുറച്ചു ദിവസം മുമ്പ് നട്ട ചിരങ്ങ നല്ല പോലെ വള്ളി വീശി കായ്ക്കാന്‍ തുടങ്ങിയിട്ടുണ്ടാകും. ഈ സമയത്ത് സ്വീകരിക്കേണ്ട ചില കാര്യങ്ങള്‍.
By Harithakeralam
വേനല്‍ക്കാലത്ത് നല്ല വിളവ് തരുന്ന പച്ചക്കറിയാണ് ചിരങ്ങ അഥവാ ചുരയ്ക്ക. സ്വാദിഷ്ടമായ വിഭവങ്ങള്‍ തയാറാക്കാന്‍ ഉപയോഗിക്കുന്ന ചിരങ്ങ ഏറെ പോഷകങ്ങള്‍ നിറഞ്ഞ പച്ചക്കറി കൂടിയാണ്. കുറച്ചു ദിവസം മുമ്പ് നട്ട ചിരങ്ങ നല്ല പോലെ വള്ളി വീശി കായ്ക്കാന്‍ തുടങ്ങിയിട്ടുണ്ടാകും. ഈ സമയത്ത് സ്വീകരിക്കേണ്ട ചില കാര്യങ്ങള്‍.
1. തൈകള്‍ പടര്‍ന്നു തുടങ്ങുമ്പോള്‍ വളരാന്‍ പന്തലിട്ടു കൊടുക്കണം. പന്തലില്‍ കയറിപ്പറ്റാന്‍ താങ്ങുകമ്പുകള്‍ നാട്ടേണ്ടതാണ്. നിലത്ത് പടര്‍ത്തിയും ചിരങ്ങ വളര്‍ത്താം.
2. കളകള്‍ കൂടെക്കൂടെ നീക്കം ചെയ്യണം. ഇല്ലെങ്കില്‍ വളമെല്ലാം കളകള്‍ വലിച്ചെടുക്കും. ചിരങ്ങയില്‍ വിളവ് കുറയും.
.png)
3.വേരിന് കേടുവരാതെ ആഴ്ചയില്‍ രണ്ടു തവണ ചുവട്ടിലെ മണ്ണ് ഇളക്കിക്കൊടുക്കണം.
4. ചെടി പൂക്കുമ്പോഴും കായ് പിടിക്കുമ്പോഴും ഇടവിട്ടുള്ള ദിവസങ്ങള്‍ നനയ്ക്കണം.
5. ധാരാളം ഇലകളുണ്ടായി പടര്‍ന്നു പോകുന്ന വിളയായതിനാല്‍ കീടങ്ങളും രോഗങ്ങളും ചിരങ്ങയെ ആക്രമിക്കാനെത്തും. ഇല കരണ്ട് തിന്നുന്ന വണ്ടാണ് പ്രധാന ശത്രു. കരണ്ട് തിന്ന ഇലയുടെ ഭാഗം ഉണങ്ങിപ്പോകുമ്പോള്‍ മാത്രമാണ് നാം വിവരമറിയുക. ഇതിനായി ദിവസവും വള്ളികളെ ശ്രദ്ധിച്ചു പരിപാലിക്കുക. കീടത്തിന്റെ എല്ലാദശയും ശേഖരിച്ചു നശിപ്പിക്കുക. 2% വേപ്പണ്ണ-സോപ്പ് -വെളുത്തുള്ളി ലായനി തളിച്ചാല്‍ ഒരു പരിധിവരെ ഈ കീടങ്ങളെ തുരത്താം. ആക്രമണം രൂക്ഷമാണെങ്കില്‍ രാസ കീടനാശിനികള്‍ പ്രയോഗിക്കേണ്ടി വരും.
6. ചുവന്ന മത്തന്‍ വണ്ടാണ് മറ്റൊരു പ്രശ്നം. ഇലകളും വേരും നശിപ്പിക്കുന്ന ഈ ജീവി ഇലകളില്‍ വിവിധ ആകൃതിയില്‍ ദ്വാരങ്ങളുണ്ടാക്കും. വേപ്പിന്‍പിണ്ണാക്ക് തടത്തില്‍ ചേര്‍ത്താല്‍ ഒരു പരിധി വരെ ഇവയെ ഓടിക്കാം. ഒരു കുഴിക്ക് 20 ഗ്രാം എന്ന തരത്തില്‍ ചേര്‍ക്കണം. പുകയിലകഷായം ഇലയുടെ അടിവശം നനയുന്ന രീതിയില്‍ തളിക്കുന്നതും ഫലം ചെയ്യും.
7. ഇല മഞ്ഞളിപ്പാണ് ചിരങ്ങയെ ബാധിക്കുന്ന പ്രധാന രോഗം. ഇലപരപ്പില്‍ മഞ്ഞപ്പാടുകള്‍, അടിവശത്ത് അഴുകിയ പോലുള്ള നനഞ്ഞ പാടുകള്‍ എന്നിവയാണ് ലക്ഷണം. വേപ്പ്,നാറ്റപൂച്ചെടി എന്നിവയില്‍ ഏതെങ്കിലും ഒന്നിന്റെ ചാരം 5% വീര്യത്തില്‍ ഇലകളുടെ ഇരു വശവും നനയുന രീതിയില്‍ തളി്ക്കുക.മാങ്കോസബ് 0.3% (3 ഗ്രാം /ഒരു ലിറ്റര്‍ വെള്ളത്തില്‍ ) തളിക്കുക.
.jpg){kind=tracking}
പച്ചക്കറികള്‍ മുതല്‍ ഫല വൃക്ഷങ്ങളും തെങ്ങും കവുങ്ങുമെല്ലാം ഇലകള്‍ മഞ്ഞളിച്ചു വാടിത്തളര്‍ന്നു നില്‍ക്കുന്നത് കേരളത്തിലെ സ്ഥിരം കാഴ്ചയാണിപ്പോള്‍. കനത്ത ചൂട് മൂലം ചെടികള്‍ക്കെല്ലാം ക്ഷീണമുണ്ടെങ്കിലും മഞ്ഞളിപ്പ്…
By Harithakeralam
ചൂട് കടുത്തു വരുകയാണ് കേരളത്തില്‍. ഈ സമയത്ത് പച്ചക്കറികള്‍ക്ക് നല്ല പരിചരണം ആവശ്യമാണ്. ഇല്ലെങ്കില്‍ അവ നശിച്ചു പോകും. പഴമക്കാര്‍ പ്രയോഗിച്ചിരുന്ന ചില നാട്ടറിവുകള്‍ നമുക്കും പിന്തുടര്‍ന്നു നോക്കാം. ഗ്രോബാഗിലും…
By Harithakeralam
പയര്‍, തക്കാളി, വഴുതന, വെണ്ട തുടങ്ങിയ വിളകളില്‍ വെയിലിന്റെ കാഠിന്യം കാരണം വിളവ് കുറയുന്നുണ്ടോ...? വളം എത്ര നല്‍കിയിട്ടും ചെടികള്‍ നല്ല പോലെ ഫലം തരുന്നില്ലെങ്കില്‍ ഈ മാര്‍ഗമൊന്നു പരീക്ഷിക്കാം. കടലപ്പിണ്ണാക്കും…
By Harithakeralam
തക്കാളി, വഴുതന, മുളക് മുതലായ വിളകളില്‍ പതിവായി കാണുന്ന പ്രശ്‌നമാണ് ബാക്ടീരിയല്‍ വാട്ടം. തക്കാളിയും വഴുതനയും ഇതു മൂലം വിളവ് നല്‍കാതെ മുരടിച്ചു നിന്നു നശിക്കും. രോഗം വന്നതിനു ശേഷം പ്രതിവിധി തേടിയിട്ട് വലിയ…
By Harithakeralam
ഇടയ്‌ക്കൊരു മഴ ലഭിക്കുന്നുണ്ടെങ്കിലും വെയില്‍ ഇപ്പോഴും കേരളത്തില്‍ ശക്തമാണ്. അടുക്കളത്തോട്ടത്തിലെ പച്ചക്കറികളിലും ഇതു പല പ്രശ്‌നങ്ങള്‍ക്കും കാരണമാകും. ചീര, വഴുതന, പച്ചമുളക് തുടങ്ങിയ പച്ചക്കറികള്‍ക്കാണ്…
By Harithakeralam
ചൂടുള്ള കാലാവസ്ഥയില്‍ കീടങ്ങളുടെ ആക്രമണം പൊതുവേ കൂടുതലയാരിക്കും. കൃഷി തുടങ്ങുമ്പോള്‍ തന്നെ ചില മാര്‍ഗങ്ങള്‍ സ്വീകരിച്ചാല്‍ ഒരു പരിധിവരെ ഇവയെ അകറ്റാം. രോഗ കീടങ്ങളില്‍ നിന്ന് പച്ചക്കറി വിളകളെ സംരക്ഷിച്ചു…
By Harithakeralam
ജനുവരി മുതല്‍ മാര്‍ച്ച് വരെയുള്ള കാലം കേരളത്തില്‍ പാവയ്ക്ക കൃഷി ചെയ്യാന്‍ അനുയോജ്യമാണ്. വേനല്‍ മഴ ലഭിച്ചു വിഷു കഴിഞ്ഞാല്‍ മേയിലും കൃഷി തുടങ്ങാം. കേരളത്തിലെ കാലാവസ്ഥയില്‍ നല്ല വിളവ് തരുന്ന പച്ചക്കറിയാണിത്.…
By Harithakeralam
ഗ്രോബാഗില്‍ നല്ല വിളവ് തരുന്ന പച്ചക്കറി ഏതാണ്...? ഈ ചോദ്യത്തിന് ആദ്യ ഉത്തരം വെണ്ട എന്നു തന്നെയാണ്. ഗ്രോബാഗിലും ചാക്കിലും ചട്ടിയിലുമെല്ലാം വളര്‍ത്താന്‍ ഏറ്റവും നല്ല വിളയാണ് വെണ്ട. ഏതു കാലാവസ്ഥയിലും…
By Harithakeralam
© All rights reserved | Powered by Otwo Designs
Leave a comment